Կոչ ապաշխարության

Կոչ ապաշխարության

ՍԻՐԵԼԻ ՀԱՅՐԵՆԱԿԻՑՆԵ՛Ր

Հայ Առաքելական Սուրբ Եկեղեցու Արցախի թեմը մեր երկրի անվտանգությամբ մտահոգ  դիմում է արցախցիներին ապաշխարության կոչով:

Այս իրավիճակից միայն Աստված կարող է մեզ դուրս բերել. «Դարձեք դեպի Ինձ, և Ես կդառնամ դեպի Ձեզ»,-ասում է Աստված:

Այս նպատակով ապրիլի 2-ին ժամը 17:00-ին Արցախի թեմը հանուն Արցախ աշխարհի խաղաղության հրավիրում է բոլորին միասնական աղոթքի` Ստեփանակերտի Սուրբ Աստվածածին Մայր Տաճարում և մյուս համայնքների բոլոր գործող եկեղեցիներում:

Բոլորի աղոթական ներկայությունը ցանկալի է. ֆիզիկապես մասնակցել չկարողանալու պարագային խնդրում ենք միանալ ընդհանրական աղոթքին մտքով և հոգով։

Արցախի թեմը կոչ է անում մեր ժողովրդին զինվել ամուր հավատով և համբերությամբ` այս դժվարությունների պահին անդրադառնալով մեր ապրած  կյանքին ու Աստծո հետ ունեցած մեր հարաբերություններին։ Մշտապես ուշադրություն դարձնելով հոգևոր իրականությանը՝ մասնակցել եկեղեցածիսական արարողություններին և զարկ տալ սեփական հոգևոր զարթոնքին:

Մեր կարգախոսն է. «Այն ինչը հնարավոր չէ մարդկանց համար, հնարավոր է Աստծու համար»:

Աստված թո՛ղ պահի ու պահպանի Հայաստան և Արցախ աշխարհը

® Հայ Առաքելական Սուրբ Եկեղեցու Արցախի Թեմ