Հայաստան, ք. Երևան, Այգեձորի փող., 53բ շենք +374 (10) 51-72-87
Վրթանես եպիսկոպոս Աբրահամյան Առաջնորդ
Արցախի թեմի առաջնորդ

Վրթանես եպիսկոպոս Աբրահամյան

Գերշ. Տ. Վրթանես եպս. Աբրահամյանը (ավազանի անունով՝ Կամո) ծնվել է 1962 թ. մարտի 21-ին, Լեռնային Ղարաբաղի Մարտունու շրջանի Ծովատեղ գյուղում:
Կենսագրություն
Կենսագրություն

Կյանքի և ծառայության ուղին

1969-1979
սովորել է գյուղի միջնակարգ դպրոցում:
1980
ընդունվել է Մայր Աթոռ Սուրբ Էջմիածնի Գեւորգյան հոգեւոր ճեմարան:
1981-1983
ծառայել է Խորհրդային բանակում: Զորացրվելուց հետո շարունակել է ուսումը Գեւորգյան հոգեւոր ճեմարանում:
1987
դեկտեմբերի 25-ին` սուրբ Ստեփանոս Նախավկայի տոնին, ձեռամբ գերշ. Տ Հուսիկ արք. Սանթուրյանի ձեռնադրվել է սարկավագ: Ճեմարանում ուսումնառությունն ավարտելուց հետո աշխատանքի է նշանակվել Մայր Տաճարի թանգարանում:
1988
մարտի 10-ին պաշտպանել է ավարտաճառ «Աղվանից Եկեղեցու համառոտ պատմություն (Դ.-ԺԷ. դարեր)» թեմայով եւ արժանացել «քաջալավ» գնահատականի:
1988
մայիսի 22-ին` Հոգեգալստյան տոնին, ձեռամբ գերշ. Տ. Հուսիկ արքեպիսկոպոս Սանթուրյանի ձեռնադրվել է կուսակրոն քահանա:
1989-1994
եղել է Ամարաս վանքի վանահայր:
1992
պաշտպանել է վարդապետական թեզ «Հովսեփ Արցախեցի` վահան ուղղափառության» թեմայով եւ ստացել մասնավոր վարդապետության 4 աստիճաններ:
1994-1996
եղել է Արցախի թեմի առաջնորդական փոխանորդ:
1996
հունիսին նշանակվել է Ս. Հռիփսիմե վանքի վանահայր:
1997-1999
եղել է ՀՀ Պաշտպանության նախարարի հոգեւոր խորհրդատու:
1999-2001
եղել է Ս. Հռիփսիմե վանքի վանահայր:
2001
օգոստոսից հոգեւոր հովվության է նշանակվել Գուգարաց թեմում:
2006
սեպտեմբերի 28-ից հոգեւոր հովվության է նշանակվել Նոր Նախիջեւանի եւ Ռուսաստանի հայոց թեմում:
2007
հոկտեմբերի 1-ից նշանակվել է ՀՀ Զինված ուժերի հոգեւոր առաջնորդ:
2008
օգոստոսի 24-ին Սուրբ Էջմիածնի Մայր Տաճարում, ձեռամբ Գարեգին Բ Ամենայն Հայոց Կաթողիկոսի, ստացել է եպիսկոպոսական ձեռնադրություն եւ օծում:
2021
Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի՝ hունվարի 21-ի հայրապետական տնօրինությամբ, ազատվելով ՀՀ Զինված Ուժերի հոգևոր առաջնորդի պաշտոնից, նշանակվել է Արցախի թեմի առաջնորդ։