Արցախի թեմի ՔԴՔ Կենտրոնի գործունեության շրջանակներում գործարկվում է 107.5 հաճախականությամբ «Նշխար» ռադիոալիքը: Այն գործում է ք. Ստեփանակերտի և շրջակա գյուղերի տարածքում: Ռադիոալիքը ստեղծվել է 2023թ. մայիսի 11-ին:

Ռադիոալիքի եթերում հեռարձակվում են հոգևոր հաղորդաշարեր, սուրբգրային ընթերցումներ և մեկնություններ, քարոզներ, ինչպես նաև ազգային-մշակութային և հոգևոր թեմաներով այլ նյութեր։ Ռադիոսփռման գլխավոր նպատակը քրիստոնեական մեր հավատքի նորոգությունն է` հիմնված Սուրբ Գրքի և Եկեղեցու Սրբազան ավանդության վրա:

Ունկնդիր լինելով ռադիոալիքին կարող եք ստանալ Ձեզ հուզող հարցերի պատասխանները և ամրապնդել կապը մեր Տեր Հիսուս Քրիստոսի և նրա առաքելահիմն Եկեղեցու հետ, «քանզի դրանք լսելով՝ իմաստունն ավելի կիմաստնանա, կրթյալը կստանա կյանքի ուղեցույց» (Առակներ 1:5):

Աշխարհի ցանկացած կետից ամեն օր առանց դադարի կարող եք հետևել ռադիոալիքի հաղորդումներին առցանց տարբերակով՝ Արցախի թեմի պաշտոնական կայքէջում: