«Դրախտի ընտանիք». նոր հնարավորություններ նորապսակների համար
«Դրախտի ընտանիք» ծրագրի երկրորդ փուլը սկսել է իր աշխատանքները՝ բերելով նոր հնարավորություններ արցախցի նորապսակ զույգերի համար։
Ծրագրի շահառուները մասնակցում են մատնահարդարման մասնագիտական դասընթացին, որը հնարավորություն կտա ձեռք բերել անհրաժեշտ հմտություններ և ապագայում ապահովել իրենց զբաղվածությունը։
Մասնագիտական կրթության հետ զուգահեռ ծրագիրը շարունակում է իր հիմնական առաքելությունը՝ ամրապնդել ընտանիքների հոգևոր-հոգեբանական հիմքերը։ Նորապսակ զույգերի մասնակցությամբ կանոնավոր անց են կացվում հանդիպումներ հոգևորականի և հոգեբանի հետ։
Այս հանդիպումները նպատակ ունեն օգնել զույգերին՝
- հաղթահարել կյանքի դժվարություններն ու մարտահրավերները
- ամրապնդել ընտանեկան համերաշխությունը
- ձեռք բերել ներքին խաղաղություն
- զարգացնել առողջ բարոյական և հավատքային արժեհամակարգ:
«Դրախտի ընտանիք» ծրագիրն իրականացվում է «ԱՄՍԱՐ» ՀԿ-ի կողմից՝ գերմանական «Brot für die Welt» կազմակերպության օժանդակությամբ։
