Երիտասարդաց միության հանդիպում
Փետրվարի 16-ին տեղի ունեցավ Արցախի թեմի երիտասարդաց միության առաջին հանդիպումը։ Հանդիպումը սկսվեց աղոթքով, որից հետո թեմի ՔԴՔԿ տնօրեն Գոռ սարկավագը երիտասարդներին ներկայացրեց կառույցի գոյության կարևորությունը` ինչպես եկեղեցու, այնպես էլ կառույցի յուրաքանչյուր անդամի կյանքում։
Կառույցի կազմակերպչական հարցերով պատասխանատու Հարութ Բաբալյանը խոսեց եկեղեցու շուրջ երիտասարդների համախմբման կարևորության, միության նպատակների և հետագա անելիքների մասին։ Այնուհետև երիտասարդները բարձրաձայնեցին իրենց հետաքրքրող թեմաների մասին, ծավալվեց հետաքրքիր քննարկում։
Հանդիպումն անցավ ջերմ ու հետաքրքիր մթնոլորտում։
