Ծննդյան տոնական պատարագ
Հունվարի 8֊ին Խաչմաչ գյուղի Սուրբ Ստեփանոս եկեղեցում ձեռամբ տեղի հոգևոր հովիվ Մատթեոս քահանա Դրավանցի մատուցվեց Ծննդյան սուրբ և անմահ պատարագ: Պատարագին մասնակցում էին գյուղի բնակիչներ և ուխտավորներ Ստեփանակերտից:
Տեր հայրը սուրբ խորանից Ծննդյան ավետիսը փոխանցեց ներկաներին, գյուղի մանուկներին բացատրեց Քրիստոսի հրաշափառ ծննդյան խորհուրդը:
Հավարտ պատարագի կատարվեց ջրօրհնեքի արարողություն: Եկեղեցու տարվա խաչքավոր ընտրվեց եկեղեցու հավատավոր զավակ Նորայր Գրիգորյանը: Վերջում օրհնված ջուրը բաշխվեց ներկաներին:
Ծննդյան տոնական պատարագ է մատուցվել և ջրօրհնեքի արարողություն է կատարվել նաև հարևան Կարմիր Գյուղում` ձեռամբ Սահակ վարդապետ Շաքարյանի: Այստեղ եկեղեցու տարվա խաչի քավոր նշանակվեց եկեղեցու հավատավոր զավակ Անդրանիկ Խաչատրյանը:
