Սուրբ Աստվածածնի Վերափոխման տոնը Ամարասում
Հայաստանյայց Առաքելական Սուրբ Եկեղեցին այս տարի օգոստոսի 14-ին է տոնախմբում Սուրբ Աստվածածնի Վերափոխման տոնը:
Տոնի առթիվ այսօր Ամարասի վանական համալիրում ձեռամբ Արցախի թեմի առաջնորդ Տեր Վրթանես եպիսկոպոս Աբրահամյանի մատուցվեց տոնական Սուրբ Պատարագ։ Պատարագին իր մեծարժեք մասնակցությունն է բերել նաև Հոգեշնորհ Տեր Ավետիք աբեղա Սողոմոնյանը։
Սուրբ Պատարագին ներկա էին ԱՀ նախագահ Արայիկ Հարությունյանը և այլ պաշտոնատար անձինք։
Պատարագի ավարտին կատարվեց խաղողօրհնեքի արարողությունը։ Թեմակալ առաջնորդի ձեռամբ օրհնվեց խաղողը և բաժանվեց ժողովրդին։
Տոնի կապակցությամբ բակում պատրաստվել էին տաղավարներ, որտեղ յուրաքանչյուր գյուղ ներկայացրել էր իր գյուղի ավանդական ուտեստները։
