«Ծնողավարության հմտություններ» ինտերակտիվ հանդիպում

Խ. Աբովյանի անվան ՀՊՄՀ հոգեբանության բաժնի ավարտական պրակտիկայի շրջանակներում Արցախի թեմի «Ընծա» սոցիալ-հոգևոր-հոգեբանական կենտրոնում թեմի «Լույս Արցախի մանուկներին» ծրագրի երեխաների ծնողների համար իրականացվեց «Ծնող-երեխա փոխհարաբերություններ» թեմայով լուսավորչական աշխատանք։

Աշխատանքի ընթացքում

• խոսվեց 3-6, 6-12 և 12-18 տարեկանների տարիքային առանձնահատկությունների մասին,
• նշվեց վերոնշյալ տարիքային խմբերում սթրեսային իրավիճակին հակազդելու առանձնահատկությունների մասին,
• մասնակիցները թեստավորում անցան իրենց դաստիարակության տիպը որոշելու համար,
• առաջարկվեցին երեխային աջակցելու արդյունավետ մեթոդներ։

Քննարկումները ընթացան ջերմ մթնոլորտում։