Հայաստան, ք. Երևան, Այգեձորի փող., 53բ շենք +374 (10) 51-72-87
13.02.2023

Թեմակալ առաջնորդի շնորհավորական խոսքը Ղևոնդյանց տոնին

Լրահոս
Արցախի թեմի առաջնորդի խոսքը

Արցախի թեմի առաջնորդ գերաշնորհ Տեր Վրթանես եպիսկոպոս Աբրահամյանի շնորհավորական խոսքը Սրբոց Ղևոնդյանց քահանաների տոնի կապակցությամբ

Սիրելի քահանա հայրեր, ջերմորեն շնորհավորում ենք Ձեզ Սրբոց Ղևոնդյանց քահանաների այս լուսավոր տոնի առթիվ:

Տարիներ շարունակ չի նվազել հայոց պատմության խորքից եկած մեր վճռական պայքարը հանուն մեր բազմադարյա Եկեղեցու և մեր սուրբ հայրենիքի գոյության պահպանման: Այդ դժվար, բայց իմաստալից ճանապարհին հոգևորականն ու զինվորականը կողք կողքի անձնվեր պայքար են մղել, և պատահական չէ այս օրը համարվում քահանաների տոն:

Սիրելի քահանա հայրեր և մեր Սուրբ Եկեղեցու հոգևոր զավակներ, քաջ գիտակցելով Ձեր ուսերին դրված պատվաբեր, բայց միաժամանակ նաև պարտավորեցնող պատասխանատվությունը, աղոթում եմ, որպեսզի Տերը քաջ առողջություն, անսպառ ուժ և անսասան կամք շնորհի Ձեզ: Հայցում եմ Սրբոց Ղևոնդյանց բարեխոսությունը Ձեր արևշատ և արգասաբեր տարիների համար:

Աղոթքով և օրհնությամբ

Վրթանես եպիսկոպոս Աբրահամյան