«Նշխար» ռադիոալիք
2023թ. մայիսի 11-ին Արցախի թեմի ՔԴՔ Կենտրոնի գործունեության շրջանակներում հիմնադրվել է 107.5 հաճախականությամբ «Նշխար» ռադիոալիքը, որը մինչեւ 2023 թվականի արցախցիների բռնի տեղահանումը գործում էր ք. Ստեփանակերտի և շրջակա գյուղերի տարածքում ու թեմի կայքէջում:
Այժմ ռադիոալիքը գործում է միայն առցանց տարբերակով Արցախի թեմի «Ընծա» սոցիալ-հոգևոր-հոգեբանական կենտրոնի և «ԱՄՍԱՐ» սոցիալ-կրթական, բարեգործական ՀԿ-ի համագործակցության շնորհիվ:
Ռադիոալիքի եթերում հեռարձակվում են հոգևոր հաղորդաշարեր, սուրբգրային ընթերցումներ և մեկնություններ, քարոզներ, ինչպես նաև ազգային-մշակութային և հոգևոր թեմաներով այլ նյութեր։
Ռադիոսփռման գլխավոր նպատակը քրիստոնեական մեր հավատքի նորոգությունն է հիմնված Սուրբ Գրքի և Եկեղեցու Սրբազան ավանդության վրա:
Ռադիոալիքին կարող եք հետևել Արցախի թեմի պաշտոնական կանքէջում, ինչպես նաև Armchurch հավելվածում:
Ունկնդիր լինելով ռադիոալիքին կարող եք ստանալ հոգևոր բազում հարցերի պատասխաններ, ինչպես նաև զորանալ առ Քրիստոս հավատքով, «քանզի դրանք լսելով՝ իմաստունն ավելի կիմաստնանա, կրթյալը կստանա կյանքի ուղեցույց» (Առակներ 1:5):
