Ամարասում հոգևոր դաստիարակության կենտրոնի բացում
Նախատեսվում է Արցախի թեմին կից բացել մանկապատանեկան ստեղծագործության և հոգևոր դաստիարակության կենտրոն Ամարասի վանական համալիրում, որը կխթանի սահմանամերձ համայնքների երեխաների գեղարվեստական կրթության, գեղագիտական դաստիարակության, ստեղծագործական կարողությունների զարգացմանը:
Կամրապնդի թեմ-հասարակություն կապը: Մատաղ սերնդի համար կստեղծի ազատ ժամանցի ճիշտ կազմակերպման և հոգևոր հետաքրքրությունների զարգացման նպաստավոր պայմաններ:
Ծրագրի նպատակն է՝
- Հետպատերազմյան Արցախում ունենալ հոգևոր-մշակութային զարգացման կենտրոն, որը կնպաստի հոգեպես ամուր, պատասխանատու, գիտակից, հայրենասեր սերունդ դաստիարակելուն:
- Կերպարվեստի մի շարք տեսակների` բրուտագործության, մանրանկարչության, փայտի փորագրության, գորգագործության տարածումը, գեղարվեստական աշխատարանների հիմնումը և ուսուցումը:
- Հոգևոր կրթության խրախուսումը, հոգեկան առողջության խթանումը և հոգեթերապևտիկ բուժումը, հոգևոր երգարվեստի ուսուցումը: