Հավապտուկ վանք

Վանական համալիրը կոչվում է նաև Հավոցպտուկ, կրում է նաև «Ռուզանի բերդ» անվանումը: Գտնվում է Գանձասարի վանքից հարավ-արևելք, բարձր լեռան անտառապատ գագաթին: Վանքը հիմնականում բաղկացած է երկու եկեղեցիներից և գավթից: Կիսավեր է: Վանքի մոտ կա 2 գերեզմանոց: Եկեղեցու պատերը կառուցված էին կրաքարե կոպիտ բլոկներից: Ըստ արձանագրությունների եկեղեցին կառուցվել է 1163 թվականին՝ վերակառուցվել 1223 թվականին:

Եկեղեցու արևմտյան կողմում կա փոքր քառակուսի կառույց՝ առանց աբսիդի: Այս շենքի և եկեղեցու դռները հարավային մասում են:

Վանքի տարածքում կան խաչքարեր, որոնք ծառայել են որպես գերեզմանաքարեր և ունեն մոտ 1 մ բարձրություն:

Օգտագործված աղբյուրների ցանկ

«Արցախի թեմ», Երևան, 2009թ., 411 էջ

WP Radio
WP Radio
OFFLINE LIVE